Архив бүлегенең төп бурычлары һәм функцияләре:
Даими һәм озак сакланырга тиешле архив документларының сакланышын тәэмин итү һәм исәпкә алу.
Архив бүлеге түбәндәгеләрне саклауны тәэмин итә:
- ТР Архив фонды составына керүче муниципаль милек булган архив фондлары һәм архив документларын, шул исәптән алар барлыкка килгән вакыттан алып җирле үзидарә органнары эшчәнлегендә, муниципаль милеккә караган оешмалар эшчәнлегендә, шулай ук районның һәм республиканың уртак карамагында булган архив фондлары һәм архив документларын;
- ТР Архив фонды составына керүче дәүләт милке булган архив фондлары һәм архив документларын;
- законлы нигездә муниципаль милеккә тапшырылган архив фондлары һәм юридик һәм физик затларның архив документларын, шул исәптән Татарстан Республикасы Архив фондының дәүләти булмаган өлешенә керүче шәхси чыгышлы;
- район территориясендә гамәлдә булган юкка чагарылган оешмаларның (хокук варисы булмаган) шәхси составы буенча документларны;
- архив бүлеге фондларын тулыландыручы басма, аудиовизуаль һәм башка материалларны;
- исәпкә алу документларын, архив белешмәлекләрен һәм бүлекнең гамәли эшчәнлеген тормышка ашыру өчен кирәкле башка материалларны.
Татарстан Республикасы Архив фондының дәүләти булмаган өлеше документлары архив бүлегенә документлар милекчеләре һәм архив бүлеге арасында, ышанычнамә булган очракта, башкарма комитет исеменнән гамәлдә булган шартнамәләр тәртибендә һәм шартларында саклауга керә.
Архив бүлеген район өчен тарихи, фәнни, социаль, икътисадый, сәяси яисә мәдәни әһәмияткә ия документлар белән комплектлау, шул исәптән:
- район башкарма комитеты тарафыннан раслана торган һәм Татарстан Республикасы Министрлар Кабинеты каршындагы ДАУ белән килештерелә торган оешмалар исемлекләрен - архив бүлеген комплектлау чыганакларын төзү, аларны төгәлләштерү буенча системалы эш;
- архив бүлегенә даими саклау документларын сайлап алу һәм кабул итү;
- архив бүлегендә саклана торган документларның кыйммәтләренә билгеләнгән тәртиптә экспертиза уздыру.
Ведомство архивлары эшчәнлегенә һәм җирле үзидарә органнары, муниципаль оешмаларның эш кәгазьләрен алып баруда документлар оештыруына оештыру-методик җитәкчелек итү, милекнең башка рәвешләрендәге оешмаларга аларның архивларын саклап калуда, туплауда һәм аларның архивларыннан файдалануда ярдәм итү, моңа түбәндәгеләр керә:
- эш кәгазьләрен алып бару һәм документларны ведомстволы саклау торышына тикшерүләр үткәрү, шул исәптән шәхси состав буенча:
- район территориясендә урнашкан оешмаларда - комплектлау чыганакларында һәм башка оешмаларда саклана торган документларны билгеләнгән тәртиптә исәпкә алу;
- ведомство архивлары, эксперт комиссияләре турындагы нигезләмәләрне, оешмаларның – архив бүлеген һәм эш кәгазьләрен алып бару буенча инструкцияләрне комплектлау чганакларының эш номенклатурасын карау һәм килештерү;
- оешмалардан кергән даими саклау эшләре исемлеген карау һәм ТР Министрлар Кабинеты каршындагы ЭПМК ДАУга тапшыру;
- документлары архив бүлегенә кабул ителергә тиешле оешмаларның шәхси составы буенча эшләр язмаларын карау һәм килештерү;
- ведомство архивлары һәм эш кәгазьләре алып бару хезмәтләренең эш практикасын өйрәнү һәм гомумиләштерү, аларның уңай тәҗрибәсен тарату;
- документлар белән эшләүне оештыру һәм методикасы мәсьәләләре буенча оештыру-методик ярдәм күрсәтү, киңәшмәләр, семинарлар, консультацияләр үткәрү;
- ведомство архивларының эшен яхшырту, эш кәгазьләрен алып баруда документлар оештыру, эш кәгазьләренең дәүләт системасын һәм документларның унификацияләнгән системаларын кертү, архив һәм эш кәгазьләрен алып бару хезмәте хезмәткәрләренең квалификациясен күтәрү чараларын эшләү һәм гамәлгә ашыру.
Җирле үзидарә органнарын мәгълүмати тәэмин итү, архив документларыннан файдалануны оештыру, гражданнарның архив мәгълүматына хокукларын канәгатьләндерү, шул исәптән:
- актуаль тематика буенча архив бүлеге документларының составы һәм эчтәлеге турында җирле үзидарә органнарына, районның башка оешмаларына мәгълүмат җиткерү, юридик һәм физик затларның документ мәгълүматы соратуларын үтәү;
- кулланучыларның документлар белән эшен оештыру, аларның соратулары буенча документлар күчермәләрен әзерләү, документаль күргәзмәләр, массакүләм мәгълүмат чаралары өчен материаллар әзерләү, җәмәгатьчелек белән очрашулар уздыру һәм публикатор эшчәнлеге;
- гражданнарның социаль-хокукый һәм башка мөрәҗәгатьләрен үтәү, архив белешмәләре, таныкланган күчермәләр һәм документлардан өземтәләр бирү; гаризаларны, тәкъдимнәрне һәм шикаятьләрне карау, гражданнарны кабул итү;
- архив бүлеге документларына фәнни-белешмә аппаратын булдыру һәм камилләштерү.
Архив законнарының юридик һәм физик затлар тарафыннан үтәлешен контрольдә тоту.
