ЯҢАЛЫКЛАР

Татарстан Республикасы Икътисад министрлыгында Татарстан Республикасы муниципаль районнарының (шәһәр округларының) җайга салу йогынтысын бәяләүне кертү мәсьәләләре өчен җаваплы хезмәткәрләре катнашында семинар узды.

Норматив хокукый актлар проектларының федераль порталында "Россия Хезмәт кодексына үзгәрешләр кертү турында" федераль закон проекты буенча ачык фикер алышулар бара.

Татарстан Республикасында 2019 елның гыйнвары нәтиҗәләре буенча сәнәгый җитештерү индексы 2018 елның гыйнвары дәрәҗәсенә карата 100,2% тәшкил иткән. Татарстанстат мәгълүматларына караганда, төяп җибәрелгән продукция күләме - 203,4 млрд сум. 

Интеллектуаль милек объектларын хокукый саклауның теориясен һәм практикасын үстерүгә һәм камилләштерүгә керткән өлеше өчен, Татарстан фәнни-техник мәгълүмат үзәгенең өч белгече федераль дәрәҗәдәге бүләкләр белән билгеләп үтелгән.

Сораштырылган татарстанлыларның 22,1% эшне - дуслары һәм танышлары, 21,1% Интернет аша эзләвен ассызыклаган. Соңгы биш елда Татарстан Республикасында халык мәшгульлеге буенча уздырылган социаль тикшеренү нәтиҗәләре әнә шундый. Анализны ТР Фәннәр академиясенең Перспективалы икътисадый тикшеренүләр үзәге галимнәре үткәргән.

20 февральдә  Мәскәүдә    Крестьян (фермер)   хуҗалыклары һәм авыл  хуҗалыгы     кооперативлары  ассоциациясенең (АККОР)  ХХХ юбилей  съездының  пленар  утырышы   узды.  Съездда  Татарстан делегациясе составына  Татарстан Республикасы  авыл  хуҗалыгы  һәм азык-төлек  министры  урынбасары Ришат Хәбипов,   Татарстан  Республикасының Фермерлар  һәм крестьян (фермер)   хуҗалыклары ассоциациясе рәсие    Камияр Байтемиров һәм  26 фермер керде. 

2019 елның  1 мартыннан     “Агроиминләштерү  өлкәсендә  дәүләт ярдәме турында” федераль законга һәм “Авыл хуҗалыгын  үстерү турында” федераль законга  үзгәрешләр кертү хакында” 563-ФЗ номерлы федераль  закон үз көченә керә, ул  авыл  хуҗалыгын иминләштерү механизмын  камилләштерүне һәм аграрийларда,  шулай  ук  иминият  оешмаларында  бу  дәүләт ярдәменә  кызыксынуны арттыра.  

16 февральдә  “Үз туган  ягыңны  бел” темасы  буенча  чаралар  кысаларында  Татарстан  Республикасы Авыл хуҗалыгы  һәм азык-төлек  министрлыгы белгечләре  Балтач  муниципаль районында  Себер  тракты тарихы һәм Муса Җәлил музеенда   (Карадуган авылы),     талчыбыктан  үреп  җиһаз  ясый торган  «Ива-мебель» (Тал-җиһаз) фабрикасында (Яңгул авылы) һәм чаңгы  базасында  булдылар.    

Яр Чаллы ИТ-паркы Бизнес-инкубаторына резидентлар сайлап алу 2-3 нче мартта булачак. Анда аларны бизнеска әйләндерергә теләгән инновацион идея авторлары катнаша ала.

"Ел тәрбиячесе” республика һөнәри конкурсының зона этабы тәмамланды, анда мәктәпкәчә белем бирү оешмаларының 108 педагогы катнашты.