ЯҢАЛЫКЛАР

Без һәр атнада авылда Татарстан Республикасы Авыл хуҗалыгы һәм азык-төлек министрлыгы ярдәме белән үз эшләрен ачкан, гаилә фермаларын төзегән һәм яраткан эшләре шөгыльләнүче кешеләр һәм яшь эшкуарлар турында язабыз. Шундыйларның берсе – Арча районыннан Әхмәтхановлар гаиләсе.

Татарстан Республикасы Президенты Рөстәм Миңнеханов белән килештереп, Татарстан Республикасы Авыл хуҗалыгы һәм азык-төлек министрлыгы тарафыннан шимбә көнне, 28 мартта, авыл хуҗалыгы ярминкәләре булмый, дигән карар кабул ителде.

Кышның аномаль җылы булуы һәм язның иртә килүе аркасында игенчеләрнең планнарына үзгәреш кертелде һәм бу авыл хуҗалыгы эшләрен гадәттәгедән иртәрәк башларга мөмкинлек бирде. 41 районның авыл хуҗалыгы җитештерүчеләре бөртекле көзге культураларны тукландыру эшләрен башкаралар. Татарстан Республикасы Авыл хуҗалыгы һәм азык-төлек министрлыгының оператив белешмәләре буенча, бүген көндә язгы кыр эшләренә түбәндәге районнар кереште: Актаныш, Чистай, Азнакай, Буа, Биектау, Мөслим, Алексеевск, Арча, Апас, Лаеш, Минзәлә, Сарман, Ютазы, Аксубай, Әлмәт, Әтнә, Баулы, Чүпрәле, Зеленодольск, Кайбыч, Кама Тамагы, Лениногорск, Мамадыш, Түбән Кама, Яңа Чишмә, Нурлат, Питрәч, Балык Бистәсе, Тукай, Әлки, Балтач, Бөгелмә, Югары Ослан, Алабуга, Кукмара, Саба, Спас, Теләче һәм Чирмешән районнары.

30 марттан 3 апрельгә кадәр Татарстанда күп функцияле үзәк офислары элек кабул ителгән запрослар буенча әзер документларны бирү өчен генә эшләячәк. Шул ук вакытта яңа документлар кабул ителмәячәк.

Биектау районы мәктәпләрендә дә укучылар өчен язгы каникуллар вакытыннан алда башланды. Белем бирү учреждениеләре 19 нчы марттан ябылды. Бу чорда Татарстан Республикасы Дәүләт автоинспекциясе хезмәткәрләре “Бала – төп пассажир” дигән шигарь белән төрле чаралар уздыралар. Акция кысаларында Биектауның 4 нче гомуми урта белем бирү мәктәбе укучыларына да куркынычсызлыкның мөһим кагыйдәләре турында сөйләделәр.

Россия мәгариф министрлыгының «Мәгариф корабы» порталы ел саен укучылар һәм укытучылар арасында төрле бәйгеләр үткәрә. Биектау районы 1 нче урта мәктәбенең 8 нче сыйныф укучысы Азалия Шиһабиева Бөек Җиңүнең 75 еллыгына багышлап уздырылган бәйгедә катнашты.

2015 нче елда Күлле поселогында фельдшер-акушерлык пункты ачылганнан бирле Семиозерка авыл җирлегендә яшәүчеләргә медицина ярдәме алу шактый җиңеләйгән. Мондый мөмкинлек “Сәламәтлек саклау” милли проектын гамәлгә ашыру нәтиҗәсендә барлыкка килгән.

Биектаулылар Теләчедә «Созвездие-Йолдызлык-2020» фестиваленең зона турында катнашып, үз талантларын күрсәтте.

Тиздән аграрийларның язгы кыр эшләре башланырга тора. Ә әлегә аңа актив әзерлек бара. Биектау районы хуҗалыкларында алдагы эшләргә багышланган махсус семинар-киңәшмәләр уза. Чират “Серп и молот” хуҗалыгына да җитте.

Хөрмәтле биектаулылар! Сезне район тарихы белән таныштыруыбызны дәвам итәбез. Бүгенге язмабыз ХХ гасырның 80 нче елларына багышлана.