ЯҢАЛЫКЛАР
Хәзерге вакытта тавыш бирү нәтиҗәләре буенча Татарстан виноград эчемлеге алда бара. Аның өчен 43 мең тавыш бирелгән. Шулай ук Казан чәк-чәге һәм Татарстан балы лидерлар унлыгында.
Бүген Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров «Икорный дом Дары Волги» җитештерү предприятиесендә һәм авыл хуҗалыгы кулланучылар кооперативында булды.
Бүген Марат Җәббаров “Татарстан Республикасы Гидрометеорология һәм әйләнә-тирә мохит мониторингы идарәсе” ФДБУ башлыгы Сергей Захаровка Рәхмәт хаты тапшырды. Ул 36 елдан артык әлеге өлкәдә уңышлы эшли һәм шушы көннәрдә 60 яшьлек юбилей бәйрәмен билгеләп үтте.
«Россия авыл хуҗалыгы үзәге» ФДБУнең Татарстан филиалы 2021 елның 28 октябренә республикада авыл хуҗалыгы культураларының торышы турында мәгълүмат әзерләде. Үткәрелгән фитомониторинг нәтиҗәләре буенча әзерләнгән хисапта билгеләп үтелгәнчә, октябрьнең икенче декадасы гадәттәге климатик нормадан 3-5 С градуска җылырак булган.
Биектауның 4 нче гомуми урта белем бирү мәктәбе укучылары “Өйгә куркынычсыз юл” акциясендә катнаштылар. Яшь хәрәкәт инспекторлары укучыларны юл хәрәкәте кагыйдәләре белән таныштырдылар һәм, иң куркынычсыз юлны сайлап, маршрут буйлап уздырдылар.
Мәскәү блогеры Денис Куракин ВИЧ-инфекция темасын кузгатудан бер дә читенсенми. СПИД белән авырый башлагач, башта ул моңа әллә ни әһәмият бирмәгән, бу авыруга каршы көрәшергә кирәклеге аның башына бары тик 2015 нче елда гына барып җиткән. Исән калсам, башкаларны коткарачакмын, дип үз-үзенә сүз биргән. Бүген ул Инстаграмдагы битендә ВИЧ-инфекция турында яшерми сөйли. Әгәр синең анализларың “уңай” булса, нишләргә кирәклеген аңлата.
Татарстан Республикасы Дәүләт Советы мәктәп формасы турындагы кагыйдәләрне кертү вәкаләтләрен Татарстанның Мәгариф һәм фән министрлыгына тапшырды. Моңа кадәр укучыларның нинди киемнәр киеп йөрергә тиешлеге турындагы мәсьәләне ТР Министрлар Кабинеты раслый, хәл итә иде. Мәгариф һәм фән министрлыгында раслауларынча, типовой - үрнәк таләпләр төп тәкъдимнәрне генә үз эченә алачак, форма турындагы кагыйдәләрнең тәфсилләп эшләнүе өчен мәктәп администрациясе җаваплы булачак. Димәк, күп үзгәрешләр кертелмәячәк. Биектау районындагы иң үрнәк мәктәпләрнең берсе - Бөреле гомуми урта белем бирү мәктәбе төрле күрсәтмәләргә дә әзер. Мәктәп формасына барлык укучылар да җаваплылык хисе белән карыйлар һәм таләпләрне җиренә җиткереп үтиләр.
“Каймар” дигән гади генә исемле коттедж бистәләренең берсендә узган ял көннәрендә бистә халкы, Дәүләт автоинспекциясе һәм төзүче - “АSG” компанияләре инвестиция төркеме үзара бүлешә алмаган комлыкка әверелде. Авыл кешеләренең әйтүенә караганда, бистәгә керә һәм чыга торган бердәнбер юлны казыйлар һәм күмәләр. Дәүләт автоинспекциясе аермачык күрсәтмә бирә - траншея казып, үз белдекләре белән оештырган юлны юкка чыгарырга. Инспекторларның игътибарын ул төбәк билгеләнешендәге юл янында урнашкан булуы белән җәлеп итә. Төзүче коттедж бистәсен район картасына урнаштырганга кадәр документлар әйләнеше белән зур эшләрне башкару турында кайгыртырга тиеш булган.
Агросәнәгать комплексы предприятиеләре AgroCode Awards беренче бөтенроссия премиясен алу конкурсында катнашуга чакырылалар. Премия аграр тармакта (AgroTech) иң нәтиҗәле һәм технологик чишелешләр тапкан үз компанияләребезне һәм белгечләребезне ачыкларга мөмкинлек бирәчәк. Моны авыл хуҗалыгын цифрлаштыруга ярдәм итү кысаларында Россельхозбанк оештыра.
Бакчада җиләк-җимеш агачларын һәм куакларын кисәр вакыт җитте. Кайбер үсемлекләрне кышкы сынауларга дөрес әзерләргә кирәк, икенчеләре вегетация чорында стихиядән зыян күрергә өлгергән һәм аларга ашыгыч рәвештә белгеч катнашуы таләп ителә. Көзен агачларны ничек дөрес итеп кисәргә кирәклеге турында «Россия авыл хуҗалыгы үзәге» ФДБУнең Татарстан Республикасы филиалы җитәкчесе урынбасары Любовь Занина сөйли.