ЯҢАЛЫКЛАР
Ел саен 3 нче декабрьдә бөтен дөньяда Инвалидлар көнен билгеләп үтәләр. Мондый көнне игълан итүнең максаты сәламәтлек мөмкинлекләре чикле кешеләрнең хокукларын тулысынча һәм тигез дәрәҗәдә үтәүдән һәм инвалидларга җәмгыять тормышында катнашу мөмкинлеге тудырудан гыйбарәт иде. 2010 нчы елдан башлап Биектау районында акча җыюга һәм районның изге максатлы кешеләренең игътибарын сәламәтлек мөмкинлекләре чикле балалар тәрбияләүче гаиләләрнең проблемаларына җәлеп итүгә юнәлдерелгән Инвалидлар ункөнлеге кысаларында биектаулыларны тагын ниләр көтә - бу турыда үз хәбәрчебез Биектау районы Башкарма комитеты җитәкчесе урынбасары Ринат Сабирҗанов белән очрашып сөйләште.
2007 елдан башлап, 1 декабрь - Бөтенроссия хоккейчылар көне буларак билгеләп үтелә. Әлеге спорт төре белән мавыгучы, чын-чынлап шөгыльләнүче, киләчәктә үз тормышларын хоккей белән бәйләргә теләүчеләр арасында биектаулылар да бар. Аларның күбесе үз алларына максат куеп яши торган балалар һәм яшүсмерләр. Урамда җил куып, я булмаса өйдә телевизор карап, планшет-телефонда ятарга андыйларның вакыты юк. Алар хоккейга йөри. Хоккей тәртипкә өйрәтә, үз өстеңдә эшләргә, һәрвакыт тырышырга өнди. Һич шик юк, алар барысы да чын ир-егетләр булып үсеп җитәр.
Биектау районында туып үскән якташыбыз, язучы Зиннур Хөснияр үзенең чираттагы юбилеен туган ягында уздырды. Ул Бикнарат авылында туып үсә.
2020 елның май аенда районның үзәк хастаханәсен коронавирус инфекциясе белән авыручылар өчен госпиталь итеп үзгәрткәннәр иде. Агымдагы елның октябрь аенда аны яңадан ачулары берәүне дә гаҗәпкә калдырмады. Аның шулай буласы билгеле иде инде. Авыручылар саны һаман арта барганда башка вариант мөмкин дә түгел. Ярый әле “катлаулы” пациентлар саны кимегән. Табиблар моны вакцина ясаткан биектаулыларның чирне җиңелрәк кичерүләре һәм өйләрендә дәваланулары белән аңлаталар. Бүгенге көндә госпитальдәге 72 урынның 50сендә диярлек авырулар ята. Пациентларның 95 проценты прививка ясатмаган. Сәбәпләре төрле: кемдер белә торып нидер көтә, ә кемдер инфекциянең барлыгына ышанып бетми. Бүген андыйларның фикере үзгәргәнме соң? Үз хәбәрчебез Биектау районының үзәк хастаханәсендәге “кызыл зонада” булып кайтты.
ГТОның нәрсә икәнлеген хәзерге вакытта берәүгә дә аңлатып торасы юк. Моның спорт нормативлары буенча нормалар комплексын тапшыру икәнлеген барысы да аңлыйлар. Биектау районында мондый нормаларны оешмаларда эшләүчеләр һәммәсе дә тапшыра. Әле күптән түгел Усад спирт заводы коллективы үз көчен сынап карады.
Панкратион буенча дөнья чемпионы - Биектау авылыннан Карина Мосагыйтова узган атнада Харьковтан Россиягә абсолют чемпионлык титулы белән кайтты. Монысы инде аның 36 нчы алтын медале. Сүз уңаеннан Каринаның медальләре арасында көмеш һәм бронза медальләрнең булмавын әйтеп китү дә урынлы булыр. Ул һәрвакытта да лидерлар сафында. Үз сүзләре белән әйткәндә, ул балачагыннан ук ”тимер белән көч сынашырга” яраткан. Үзен гимнастикада да, бокста да сынап караган, әмма күңеле белән бары тик панкратионга гына береккән, шушы төрдә генә максатына ирешкән.
“Бәләкәч” балалар бакчасы үзенең 10 еллык юбилеен билгеләп үтте. Кайчандыр ул Биектау авылының иң зур балалар бакчасы булып саналды һәм районда зур белем бирү учреждениеләре төзелешенә старт бирде. 10 ел эшләү дәверендә 500дән артык кечкенә малай һәм кызларны тәрбияләп чыгарды.
“Тулпар” мәктәптән тыш эш Үзәге үзенең юбилеен истә калырлык матур итеп билгеләп үтте. Узган ел Үзәк оешканга 10 ел тулган иде. Әмма коронавируска кагылышлы чикләүләр кертелгәнлектән, бәйрәм итүне кичектереп торырга туры килде.
Габдрахмановлар гаиләсе - бик яшь гаилә. Булат белән Айсылу 2021 елның башында гына өйләнешә. Уллары Әмирханга 2 ай. Фатирны алар ипотекага сатып ала. Айсылу әлегә декрет ялында. Ипотека түләргә дәүләт тарафыннан яшь гаиләләргә ай саен түләнә торган акча ярдәмгә килә.
Галина, юлны аркылы чыгу өчен, машиналарның узып киткәнен көтеп, җәяүлеләр кичүендә басып тора. Көтмәгәндә карашы чандыр гәүдәле яшь хатынга төбәлә һәм ул, йөрәк түреннән чыккан авазны тыеп тора алмыйча, йөгерәатлый шул якка китә. 15 ел күрмәгән кызы Светлананы күкрәгенә кыскан Галинаның яңакларыннан эре-эре күз яшьләре тәгәри...