ЯҢАЛЫКЛАР
Район мәктәпләрендә белем алучылар баскетбол уенында кемнәрнең иң көчлеләр булуын белделәр дә инде, шушы көннәрдә кемнең чаңгыда иң җитез шуучы икәнлеген ачыкладылар. Ярышта спортның әлеге кышкы төрен яратучы йөзләп кеше катнашты.
2022 елның 26 нчы гыйнварында 2 нче участок Биектау җәмәгать суды тарафыннан түбәндәгеләр билгеләнде: Биектау районының Дөбьяз авылында Центральная урамындагы 11 нче йорт янында 2021 елның 2 декабрендә 40 яшьлек бер ир-ат, РФ Юл хәрәкәте кагыйдәләренең 2.7 пунктын бозып, “Лада гранта” машинасына исерек хәлдә идарә иткән. “Юпитер” алкотекторы тарафыннан тикшерелгән. Тикшерү нәтиҗәсе 0,797 мг/л күрсәткән. Исерек хәлдә булуы ачыкланган. Шоферга карата РФ Административ хокук тәртибе бозулар турындагы кодексының 12.8 маддәсе 1 өлеше буенча административ протокол төзелгән. Автомашина махсус урынга куелган. Шоферга 30 мең сум штраф түләргә һәм 1 ел да 6 ай шоферлык таныклыгыннан башка йөрергә туры киләчәк.
Җыен, гадәттәгечә, авылның 40 кеше генә сыярлык мәдәният йортында оештырылды. Җыелышлар гына түгел, авылның барлык мәдәни чаралары да моңа кадәр шул кечкенә һәм иске клубта узды. Клуб күптән инде заман таләпләренә җавап бирми. Чираттагы халык җыенында суыксулылар авылда яңа клуб төзү турындагы хәбәрне шатланып кабул иттеләр. Бүгенге көндә булачак клубның проект-документлары эшләнә.
“Өмет” халыкка социаль хезмәт күрсәтү комплекслы Үзәге белгечләре 18 яшьтән өлкәнрәк - сәламәтлек мөмкинлекләре чикле кешеләр өчен көндезләрен күпмедер вакытны бергә җыелып, иҗат белән шөгыльләнеп уздыру төркеме оештырдылар. Әлеге күркәм гамәлнең максаты - өлкән инвалидларны хезмәт һәм социальмәдәни эшчәнлеккә җәлеп итү. Комплекслы үзәк базасында осталык дәресләре һәм төрле чаралар уздырыла.
Биектауның 2 нче гомуми урта белем бирү мәктәбе территориясендә урнашкан боз тартмасы бер көнгә районда хоккей тормышының үзәгенә әверелде. Чөнки анда ишегалды командалары арасында турнир оештырылды. Аның төп шарты - спорт мәктәбенә йөрүче хоккейчыларның катнашмавы. Турнирда бары һәвәскәрләр генә уйнады.
Гыйнварның тәүге атналары карга-буранга бигрәк тә бай булды. Кешеләр дә бер-берсе белән очрашканда күбрәк быел карның күплеге, аны көрәп тә бетереп булмау турында сөйләшәләр. Безнең газетаны укып баручылар ни өчен теге яки бу урамда кар көртләрен җыеп алып китмиләр, дип зарланалар. Ә кемнәрдер, киресенчә, юлларны үз вакытында чистартканнары өчен рәхмәт белдерәләр. Әмма табигать барыбер үзенекен итә, кар тагын ява, тагын юлларны каплый. Аның үз вакытында җыеп алынуын районның административ-техник инспекциясе контрольдә тота.
Узган ял көннәрендә Биектау районы “Усад” автодромында Россия чемпионаты һәм Кубогына автоярышлар узды.
Күңелгә шом кертә торган төшләр була. Кайвакыт бик куркып яки дулкынланып уянасың да, әле атналар буе шуның турында уйлап йөрисең. Киресенчә, бик якты төшләр дә була, алары да бик озак вакыт баштан чыкмаска мөмкин. Нәрсәгә керде икән дип юрый да башлыйбыз әле... Ә юрарга ярыймы икән соң?
Футбол манежы безнең районга Татарстан Республикасында универсаль спорт мәйданчыклары һәм аз чыгымлы спорт корылмалары төзү программасы гамәлгә ашырылу нәтиҗәсендә биреләчәк. Биектау районына әлеге программага керергә үсмерләр футболында да, шулай ук өлкәннәрнекендә дә тотрыклы рәвештә югары күрсәткечләргә ирешү ярдәм итте.
Бу атнада православие динен тотучылар чиркәү календарендагы иң олы бәйрәмнәрнең берсе - Хач мануны (Крещение) билгеләп үтте. Бу көнне барлык христианнар чиркәүдә булып, гыйбадәт кылдылар. Ә 18 - 19 гыйнвар көннәрендә дин әһелләре чиркәүләрдәге һәм бәкеләрдәге суны изгеләндерделәр. Изгеләндерелгән су «Иордань» дип атала. 18 гыйнварда, чиркәүдә дога укыганнан соң кешеләр изгеләндерелгән суны савытларга тутырып өйләренә дә алып кайталар. Суны бүлмә почмакларына, тәрәзәләргә бөркеп, өйне чистарталар, аруландыралар.