ЯҢАЛЫКЛАР

«Кече һәм урта эшкуарлык һәм шәхси эшкуарлык инициативасына ярдәм» илкүләм проектын гамәлгә ашыру кысаларында Экспортка ярдәм үзәге бизнес субъектларының халыкара күргәзмә-ярминкә чараларында Татарстан Республикасының күмәк стендында катнашуын оештыра.

ТР Икътисад министрлыгына караган Эшкуарлыкка ярдәм фонды (ФПП) «Перезагрузка» һәм «Үзмәшгульләр» программалары буенча 1 июньгә кадәр ташламалы финанс җәлеп итү турындагы барлык гаризалар буенча ставкаларны РФ ҮБ төп ставкасына кадәр (5%) киметте.

Конкурс чимал булмаган энергетика товарлары, эшләр, хезмәт күрсәтүләр, шулай ук интеллектуаль эшчәнлек нәтиҗәләрен экспортлауда зур уңышларга ирешкән эре компанияләр, кече һәм урта бизнес компанияләре һәм шәхси эшкуарлар арасында үткәрелә.

Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов Татарстан Республикасы Министрлар Кабинетында узган брифингта 2021 елда яңа республика ярдәме чаралары турында сөйләде. Әйтик, июнь аеннан сәнәгать паркларын үстерүгә юнәлдерелгән чаралар комплексы старт ала. Инфраструктур мәйданчыкларның нәтиҗәлелеген арттыру максатларында ТР Икътисад министрлыгы тарафыннан пакетлы чаралар эшләнде.

Татарстан Республикасы Икътисад министрлыгы даими рәвештә бизнеска ярдәм итүнең гамәлдәге программаларын камилләштерү өстендә эшли. Пандемия чорында 2 программа – гамәлдәге бизнес кредитлары буенча процент ставкасын субсидияләү һәм азык-төлек продуктлары һәм ризык китерү хезмәтләре өчен түләүгә бәйле чыгымнарны 100% субсидияләү зур ихтыяҗ булуын күрсәтте. Агымдагы елда бу проектларны дәвам иттерү турында карар кабул ителде. Ярдәм алу өчен гаризалар 11 июньнән кабул ителә башлый.

Бүген Татарстанда сөт һәм ит терлекчелеге буенча зоотехник-селекционерларның 2 нче Бөтенроссия конкурсы ачылды. Чарада Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров, Татарстан Республикасы авыл хуҗалыгы һәм азык-төлек министры урынбасары Ленар Гарипов, Россия Федерациясе Авыл хуҗалыгы министрлыгының Терлекчелек һәм нәсел эше департаменты директоры Дмитрий Бутусов, Татарстан Республикасы Авыл хуҗалыгы һәм азык-төлек министрлыгының Терлекчелектә нәсел эше буенча баш дәүләт авыл хуҗалыгы идарәсе башлыгы Ришат Зарипов, «Элита» дәүләт нәсел предприятиесе АҖ генераль директоры Фәннур Зарипов, Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов һәм башка җаваплы затлар катнашты.

Узган ел Биектау районының «Котдусов» крестьян-фермер хуҗалыгының тәвә кошы фермасында 10 меңнән артык турист һәм экскурсант булып китте.

Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров, перспектив хезмәттәшлек юнәлешләрен билгеләү максатында, Берләшкән Гарәп Әмирлекләренең азык-төлек һәм су иминлеге буенча Дәүләт министры Мариям Бинт Мөхәммәд Әл-Мехаири җитәкчелегендәге делегация белән очрашты.

Татарстан Республикасы Авыл хуҗалыгы һәм азык-төлек министрлыгы хәбәр итүенчә, 1 июльдән 3 июльгә кадәр Лаеш районында “АГРОВОЛГА” халыкара агросәнәгать күргәзмәсе узачак.

Республика аграрийларының кызу эш вакыты. Мөгезле эре терлекләрне ныклы азык базасы белән тәэмин итү өчен алар алдында сыйфатлы сенаж һәм печән әзерләү бурычы тора.