ЯҢАЛЫКЛАР
Интернет челтәрендә "Россиядә эш" хезмәт һәм мәшгульлек буенча Федераль хезмәт порталы үз эшен дәвам итә. Порталның эш урыннары базасында Россия Федерациясе эш бирүчеләреннән 1,2 млн тәкъдим бар. Шул исәптән, Татарстан Республикасы оешмалары да 37 мең вакантлы эш урыннары хакында хәбәр иткән.
Халыкның тормыш дәрәҗәсен арттыру, хезмәт, чит ил хезмәткәрләрен җәлеп итү мәсьәләләре буенча Республика комиссиясе катнашлыгы ярдәмендә эш бирүчеләр хезмәткәрләренә бурычларын кайтаруын дәвам итә.
Хөрмәтле Тәрбиячеләр һәм мәктәпкәчә белем бирү хезмәткәрләре!
Россия Федерациясе Мәгариф һәм фән министрлыгында "Һөнәри бәйрәм - Тәрбиячеләр һәм мәктәпкәчә белем бирү оешмалары хезмәткәрләре көнен билгеләү турында" боерык басылды. Илебездәге балалар бакчасында эшләүчеләрне хөрмәтләү көне итеп 27нче сентябрь сайланды.
Самарада "Россиянең ел укытучысы - 2016" Россиякүләм бәйгесе кысаларында үтүче ачык дәресләр старт алды. Татарстан Республикасын бәйгедә региональ этап җиңүчесе, Казанның 90нчы номерлы гимназиясендә тарих һәм җәмгыять белеме укытучы Иван Филатов тәкъдим итә.
Республиканың 7-9нчы сыйныф укучыларына төп фәннәрдән 180меңгә якын электрон дәреслекләр лицензиясе тапшырылды. Рус теле, әдәбият, инглиз теле, немец теле, француз теле, Россия һәм гомуми тарих, җәмгыять белеме, география, алгебра, геометрия, физика, биология, химия, сынлы сәнгать, музыка, физик культура, тормыш иминлеге нигезләре буенча дәреслекләрне балалар инде бу елны ук куллана алачаклар.
Татарстан Республикасының яшь юл хәрәкәте инспекторлары командасы юл йөрү кагыйдәләрен өйрәнүгә һәм үтәүгә багышланган 31нче Европакүләм бәйгедә икенче урын яуладылар.
Беренче Идел буе федераль округы кадетлар корпусы фестиваленең ябылу тантанасында Татарстан Республикасының баш федераль инспекторы Ренат Тимерҗанов һәм Татарстан Республикасы Мәгариф һәм фән министрының урынбасары Илдар Мөхәммәтов катнаштылар. Чара Воткинск шәһәрендә Идел буе федераль округының Удмуртия кадетлар корпусында узды.
“Норматив хокукый актлар буенча җәмгыяти фикер алышу” сервисында кече һәм урта эшмәкәрлек үсеше турында законга үзгәрешләр кертү турында фикер алышу тәмамланып килә. Порталда теркәлгәннәр закон проектына үз фикерләрен һәм комментарийларын 28.09.2016 кадәр язып калдыра ала.
Бүген «Байтик» лагерендә IT-Jump проекты катнашучылары ТР мәгълүмати технологияләр үзәге башкаручы директоры Татьяна Камалетдинова белән очрашты.