ЯҢАЛЫКЛАР

Бүген “Татарстанның агробизнес кадрларын яңадан әзерләү институты” өстәмә һөнәри белем бирү федераль дәүләт бюджет мәгариф учреждениесе базасында зооветеринария белгечләренең квалификациясен күтәрү буенча “Биологик чиста терлекчелек продукциясе җитештерү” программасы кысаларында укулар башланды.

2017 ел йомгаклары буенча Россельхозбанк» АҖенең Татарстан филиалы 2017 елда агросәнәгать комплексы комплексына ярдәм итүгә 10,5 млрд. сум акча җибәрде, бу 2016 елдагыдан 12%ка күбрәк. 5,5 млрд. сум – үсемлекчелек предприятиеләренә, 0,5 млрд. сум – азык-төлек һәм эшкәртү сәнәгате предприятиеләренә, 3 млрд. сум – терлекчелек өлкәсенә җибәрелде. Кредит акчаларының барлык суммасыннан 1,7 млрд. сум инвестиция максатларына җибәрелде.

2018 елның 14 - 16 февралендә “Казан ярминкәсе” күргәзмә үзәге территориясендә Идел буе агросәнәгать форумы узачак, ул «Агрокомплекс: Интерагро. Анимед. Идел буе фермеры» 21 нче халыкара махсуслаштырылган күргәзмәсен һәм «Волгапродэкспо» 18 нче махсуслаштырылган күргәзмәсен берләштерә. Әлеге чара ел саен авыл хуҗалыгы тармагындагы актуаль мәсьәләләр буенча фикер алышу, яңа эшлекле элемтәләр урнаштыру, үз продукциясен күрсәтү, шулай ук инвесторларны җәлеп итү белән кызыксынучы агробизнес вәкилләрен бергә җыя.

Бүген Казанда «Россельхозцентр» ФДБУнең Татарстан Республикасы филиалы эшенә йомгаклар ясау буенча киңәшмә узды. Киңәшмәдә Татарстан Республикасы авыл хуҗалыгы һәм азык-төлек министры урынбасары Илдус Габдрахманов, «Россельхозцентр» ФДБУнең Татарстан Республикасы филиалы җитәкчесе Вагиз Минһаҗев, учреждениенең байон бүлекләре башлыклары катнашты.

Атна азагында Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары - авыл хуҗалыгы һәм азык-төлек министры Марат Әхмәтов язгы чәчү эшләренә әзерлекнең барышы турында сөйләде.

Россия Федерациясе Авыл хуҗалыгы министрлыгында авыл хезмәтчәннәрен ташламалы кредитлау механизмын гамәлгә ашыру мәсьәләләре буенча селектор киңәшмәсе узды. Киңәшмәне Россия Федерациясе авыл хуҗалыгы министрының беренче урынбасары Джамбулат Хатуов үткәрде.

Татарстан Республикасында бу елның 23 гыйнварында тулаем савылган сөт күләме 3288,6 тонна булган. Бу узган елның шушы чоры белән чагыштырганда 129,3 тоннага күбрәк.

Бүген «Татар-информ» мәгълүмат агентлыгында “Электрон ярминкә” проектын гамәлгә ашыруга багышланган матбугат конференциясе узды. Чарада «Республика мәгълүмат- исәпләү үзәге» АҖ генераль директоры Дмитрий Холопов һәм Татарстан Республикасы Авыл хуҗалыгы һәм азык-төлек министрлыгының азык-төлек базарын үстерү бүлеге башлыгы урынбасары Анатолий Никитин чыгыш ясадылар.

Бүген Министрлыкта Татарстан Республикасы агросәнәгать комплексының геомәгълүмат системасын тулыландыру мәсьәләсе буенча киңәшмә узды. Аны Татарстан Республикасы авыл хуҗалыгы һәм азык-төлек министры урынбасары Илдус Габдрахманов үткәрде.

2018 елның 16 февралендә Краснодарда «Россия ашлыгы – 2018» II Халыкара авыл хуҗалыгы форумы узачак. «Россия ашлыгы форумы – илнең ашлык базарын үстерүгә һәм андагы проблемаларга багышланган махсуслаштырылган тармак чарасы ул. Аның эшендә 200дән артык алдынгы агрохолдинглар һәм авыл хуҗалыгы оешмалары, крестьян-фермер хуҗалыклары, ашлык эшкәртү һәм склау предприятиеләре җитәкчеләре, белгечләре, ашлык базары операторлары, трейдерлар һәм Россиянең әйдәүче экспертлары катнаша.