ЯҢАЛЫКЛАР
Алдагы ял көннәрендә Татарстанда 30 градуска кадәр салкыннар көтелә.
2018 елда Татарстанда авыл хуҗалыгы җитештерүе объектларын ремонтлау һәм төзү программаларын гамәлгә ашыру дәвам итә. Мәсәлән, 227 сыер абзарында, 127 ашлык амбарында, 63 машина-трактор паркында, 15 яшелчә-бәрәңге саклагычта капиталь ремонтлау эшләрен башкару һәм 123 силос-сенаж траншяларын төзү планлаштырыла. Инвестицияләрнең гомуми күләме 1,8 млрд. сумнан артык.
Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов терлекчелек өлкәсендә Татарстан авыл хуҗалыгы оешмаларының 2018 елның ике аендагы эшләре турында сөйләде.
“Татарстанның агробизнес кадрларын яңадан әзерләү институты” өстәмә һөнәри белем бирү федераль дәүләт бюджет мәгариф учреждениесе базасында авыл хуҗалыгы культураларын сынап карау буенча агроном-апробаторлар өчен укулар оештырыла. Курсларда 64 кеше укыячак.
2018 елның 13 - 15 мартында “Казан ярминкәсе” ААҖенең күргәзмә залында «Энергия ресурслары нәтиҗәлелеге һәм энергияне саклау» ХVIII халыкара симпозиум һәм «Энергетика. Ресурларны саклау-2018» XIX халыкара махсуслаштырылган күргәзмә узачак.
ТРның дәүләт хезмәтләре Порталында 1 марттан башлап "Казан ярминкәсе"нең Күргәзмәләр үзәгендә туй церемониясенә броньга алып була. Яшьләр өчен ике зал тәкъдим ителә: "Казан" һәм "Свияга". Броньлауның вакыты - апрель-июнь айлары.
2017 елны "Халык контроле" системасына република халкы 50 мең артык тәкъдим ясадылар - бу 11гә күбрәк, 2012 елны ул эшне генә башлады. 6 ел дәвамында татарстанлылардан 150 мең тәкъдим килде.
2018 елның ике ае эчендә районнар кулланучылар җәмгыятьләренең терлек сую пунктларында 1184 баш эре мөгезле терлек суелган (йөкләнеш җитештерү куәтенең 34%ын тәшкил итә). Биектау районы кулланучылар җәмгыятенең терлек сую пунктында 350 баш эре мөгезле терлек суелган (114%), Минзәлә районында – 262 баш (90%), «Зәй» АХКК – 166 баш (54 %).
2013-2017 елларда Татарстанда 20 546 кеше авария хәлендәге йортлардан күчерелгән.
2018 елда Татарстанда алты яңа балалар лагере төзеләчәк. Моннан тыш, 2018 елда 14 лагерьга капиталь ремонт үткәрү һәм бер объектны төзекләндерү планлаштырыла. Финанслауның гомуми күләме 200 миллион сумны тәшкил итәчәк.