ЯҢАЛЫКЛАР
12 июль көнне Россия технология университетта Россиядәге яшьләр һәм балалар берләшмәләренең Милли Советы Идарәсе утырышы узды.
Агымдагы елның беренче алты аенда татарстанлылар Портал һәм «ТР Хезмәтләре» мобиль кушымтасы аша 6,6 млннан артык түләү операцияләре ясадылар. Узган елның шул ук чоры белән чагыштырганда бу 1 млн.га артык. Түләү өчен иң популяр сервислар - ТКХ хезмәтләре, балалар бакчасы һәм юл хәрәкәте кагыйдәләрен бозган өчен штрафлар.
Татарстан Республикасы Авыл хуҗалыгы һәм азык-төлек министрлыгы «2017-2020 елларга Татарстан Республикасында яңа эш башлаучы фермерларга ярдәм» ведомство программасында катнашучы крестьян- фермер хуҗалыкларын грант бирү өчен сайлап алуга конкурс игълан итә.
Татарстан Республикасы Авыл хуҗалыгы һәм азык-төлек министрлыгында 10 июльдә терлекчелек тармагының 2018 елдагы 6 айлык эшенә йомгак ясау буенча киңәшмә узды. Ул Татарстан Республикасы авыл хуҗалыгы һәм азык-төлек министры урынбасары Нәҗип Хаҗипов рәислегендә узды. Киңәшмәдә районнарның авыл хуҗалыгы һәм азык-төлек идарәләре башлыклары, терлекчелек буенча консультантлары, “Татарстан Республикасы Авыл хуҗалыгы һәм азык-төлек министрлыгының Терлекчелектә нәсел эше буенча баш дәүләт авыл хуҗалыгы идарәсе” ДКУ белгечләре һәм башкалар катнашты.
Быел сәламәтләндерү лагерьларында 218 мең 672 бала ял итә.
«Россельхозцентр» ФДБУенең Татарстан Республикасы филиалында ике ай буена «РСЦ–консультант» төркеме эшли, ул WhatsApрның мобиль һәм башка платформалары өчен текст хәбәрләре белән алмашу системасында оештырылган төркем. Бу төркем республика аграрийларына кырларда ашыгыч ярдәм итү өчен төзелде. Аны булдыру өчен Татарстан филиалының үсемлекләрне яклау бүлеге белгечләре хуҗалыклар агрономнарының координатларын тупладылар.
Татарстан Республикасы Авыл хуҗалыгы һәм азык-төлек министрлыгы «2017-2020 елларга Татарстан Республикасында Авыл хуҗалыгы кулланучылар кооперациясен үстерү» программасы буенча матди-техник базаны үстерүгә грантлар бирү өчен авыл хуҗалыгы кулланучылар кооперативларын сайлап алуга өстәмә конкурс башлану турында игълан итә.
Ярослав Нилов хатын-кызлар 63 яшьтә түгел, ә 60 яшьтә пенсиягә чыга алырлык итеп, төзәтмәләр әзерли.
ТР Дәүләт хезмәтләре порталының «Мәктәпкәчә белем бирү» бүлегендә мәктәпкәчә яшьтәге балаларның ата-аналары өчен файдалы цифрлы сервислар урнаштырылган. Аның ярдәме белән сабыйны балалар бакчасына чиратка бастыру өчен онлайн режимда электрон гариза бирергә, элегрәк бирелгән гаризаның статусын күзәтеп торырга, балалар бакчасына биргәннән соң түләүләрне тикшерергә һәм исәпләргә мөмкин.
Бүген шәһәр пресс-үзәгендә Казандагы футбол буенча дөнья Чемпионаты-2018 уеннарында инфраструктура эшен телекоммуникация белән тәэмин итү буенча йомгак ясалды.Эш нәтиҗәләре турында ТР Премьер-министры урынбасары - Мәгълүматлаштыру һәм элемтә министры Роман Шәйхетдинов сөйләде.