ЯҢАЛЫКЛАР
Бу юлы без Биектау авылында кар эрүдән барлыкка килгән зур-зур күлләвекләрне эзләп киттек. Болар җәяүлеләр йөри, машиналар уза һәм халык теленнән төшми күп сөйләнелә торган урыннар иде. Безнең чыгарылыштан соң редакция адресына тагын бер күренешне төшереп җибәрделәр. Монысында балыкның эрерәге эләкте. Биектау авылындагы Дача урамында яшәүчеләр су өстендә яшиләр икән. Моның шулай икәнлеген без үзебез дә күрдек.
Биектау районының яшь хоккейчылары республика беренчелегенә уздырылган ярышларда алтын медальләргә лаек булдылар. Билгеле булганча, Кукмараның “Олимп” Боз сараенда 2008 елгы үсмерләр командалары арасында хоккей буенча Татарстан беренчелегенә ярымфинал һәм финал ярышлары үткәрелде.
Биектау районы тхэквондочылары Россиядә иң көчлеләрдән санала. Район җыелма командасы республикакүләм ярышларда гына түгел, Бөтенроссия дәрәҗәсендә уздырыла торган турнирларда җиңү яулый. Соңгы тапкыр Мәскәү өлкәсендә узган бәйгедә Биектау командасы Татарстаннан бердәнбер команда иде.
Банк карталарыннан акча урлау мәсьәләсе бер дә үзенең актуальлеген югалтмый. Ни өчен алай була соң ул, аннан ничек сакланырга? Шушы һәм башка сорауларга җавап табу өчен без Биектау районы прокуроры урынбасары Антон ВАСЮТИН белән очраштык.
Казан шәһәрендә Биектау районында җитештерелгән товарларны сату буенча агымдагы елда беренче авыл хуҗалыгы ярминкәсе уздырылды. Яхшы сыйфатлы чын продукция гадәттәгечә Казанның Авиатөзелеш районы базарында тәкъдим ителә, без дә шунда юнәлдек.
Моннан берничә атна элек безнең инстаграмдагы аккаунтка Эстачи бистәсендә яшәүчеләр үзләрен борчыган мәсьәлә белән мөрәҗәгать иттеләр. Сүзләрен видеофактлар белән дәлилләп күрсәткәннәр. Видеоматериалдан күренгәнчә, йортлар каршыннан бертуктаусыз зур йөк машиналары - фуралар үтеп тора. Авыр йөк машиналары йөри башлагач авыл юлларында тирән чокырлар, ерымнар барлыкка килгән.
1 нче апрельдә Россия күләмендә хәрби хезмәткә чакыру башланды. Быелгы язда 135 меңләп кеше армия сафларын тулыландырачак, аларның өч меңнән артыгы - Татарстаннан чакырылучылар. Биектау районы 60 кешесен хәрби хезмәткә озатачак.
Биектау районында авыл хуҗалыгы техникасын кабул иттеләр. Машиналарның ничек әзерләнгәнлеген республиканың Авыл хуҗалыгы һәм азык-төлек министры урынбасары Рафаэль Фәттахов һәм Ростехнадзор белгечләре бәяләде. Комиссия барлык авыл хуҗалыгы предприятиеләрендә дә булды.
Белгечләр язгы ташкын апрельнең тәүге атналарында башланыр, дип фаразлыйлар. Шул сәбәпле, Биектау районында 14 авыл су астында калырга мөмкин. Болар - 343 йорт, 1114 кеше, алар арасында 185 бала, әле 2 икътисад объекты да бар.
Сыерларда туберкулез авыруы дәваланмый. Мондый очракта мөгезле эре терлекне суялар. Авыру сыердан алынган сөт продуктлары утильләштерелә. Хуҗалыкларга бу бик зур икъдисади зыян китерә. Сыер абзарларында туберкулез таякчыгын булдырмас өчен ветеринария табиблары елына ике тапкыр терлекләрне тикшереп чыгалар.