Рафис Корбанга 60 яшь

5 февраль көнне Олы Битаман мәдәният йортында якташыбыз - Рафис Корбанның 60 яшьлек юбилее уңаеннан зур бәйрәм булды. Шагыйрьне котларга Биектау якташлар җәмгыяте, Татарстан язучылар берлеге әгъзалары - шагыйрьнең иҗатташ дуслары, шулай ук чит регион һәм чит ил язучылар берлеге рәисләре, чит ил каләмдәшләре дә килделәр. Бәйрәмнең беренче өлеше шагыйрьнең авылдашлары, чордашлары тәбрикләве һәм авылыбыз артистларының җыр-моңнары белән үрелеп барса, икенче өлешендә сүз килгән кунакларга һәм Казан артистларына бирелде. Әлеге җылы, эчтәлекле очрашу якташыбызга карата  булган тирән ихтирамның дәлиле булды.