Алан-Бәксәр "Көлкәй" балалар бакчасы Биектау районында мәктәпкәчә яшьтәге балалар учреждениеләре арасында үткәрелгән бәйгедә "Иң матур, төзек балалар бакчасы" номинациясендә 3 урынга лаек булды.

Алан-Бәксәр "Көлкәй" балалар бакчасы коллективы (җитәкчесе Айсылу Галявиева) бакча яны территориясен төзекләндерү һәм матурлауга зур иһтибар бирәләр. Быел яздан балалар уен мәйданчыгы тирәсендә декоратив тегермән, кое, курчак йорты урнаштырылды, татар һәм рус милли күлмәкләре кигән кызлар фигураларының итәкләре чәчәкләр белән бизәлде. Шулай ук көпчәктән һәм пластик шешәләрдән эшләнгән төрле эшләнмәләр дә биредә үз урынын алды. Инде көз җитүгә дә карамастан монда бүген дә әле чәчәкләр төсен җуймаган. Коллектив ирешелгән уңышлар белән кәнәгатъләнергә җыенмый, инде бүгеннән киләсе язга планнар кора башладылар.