ТР Транспорт һәм юл хуҗалыгы министрлыгы үткән тәүлеккә транспорт комплексының хәле турында мәгълүмати хәбәр җиткерде.
Кичә, 30 августта, Татарстан буенча муниципальара маршрутларга мониторинг системасында 240 автобус чыккан. Аларда урнаштырылган ГЛОНАСС системасы күрсәткәнчә, тәүлек эчендә 3 тапкыр тизлек режимы бозылган, маршруттан тайпылуның 29 очрагы теркәлгән.
Казан аэропортыннан 88 рейс башкарылган: һава юлы буйлап шәһәрдән 3510 пассажир озатылган, Татарстан башкаласына 3325 кеше килгән.