23 июнь көнне Алан-Бәксәр авыл җирлегендә Биектау муниципаль районы башлыгы Рөстәм Кәлимуллин, авыл җирлекләре башлыклары һәм район оешмалары җитәкчеләре катнашында тәҗрибә уртаклашу буенча семинар булды.

Семинарда катнашучылар "Әсән" ширкәтенең машина-трактор паркын, кафе-кунакханәсен, Алан-Бәксәр авылында урнашкан узара салым акчасына төзекләндерелгән чишмәне, Ашыт урманчылыгы базасын, Алан-Бәксәр һәм Гәр авылларындагы бюджет оешмаларын, мәчетне, авыл җирлеге, почта бүлекчәләрен карадылар. Йомгаклау өлеше Гәр авылы башлангыч мәктәбе бинасында узды. Район башлыгы авыл җирлеге эшенә уңай бәя бирде.