7 май көнне Гәр авылында Җиңү көненә карата митинг узды

Батыр авылдашлар хөрмәтенә куелган һәйкәл янында үткән митингта авыл җирлеге башлыгы Зөһрә Гарифуллина, укытучы Фәния Каюмова, фельдшер Ирина Николаева, пенсионер Раиса Харланова, яшьләр исеменнән Сөләйман Ширманов чыгыш ясадылар. Бәйрәм хөрмәтенә үзешчәннәр зур концерт әзерләгәннәр иде. Мероприятие мәктәп бинасында тыл хезмәтчәннәре һәм сугыш чоры балалары өчен әзерләнгән чәй табыны янында дәвам итте.