Алан-Бәксәр авыл җирлегендә җәйге сезонга әзерлек эшләре башланды.

Мартның өченче декадасында махсус савытларга петуния, цинерарий, арслан авызы, миләүшә чәчәге орлыклары чәчелде; апрель башында сальвия, гацания, бархатцы орлыклары чәчү планлаштырылган. Май аенда соңгы кыраулар үткәч, чәчәк үсентеләре Алан-Бәксәр авыл капкасы янындагы, авыл җирлеге, мәчет һәм клуб бинасы янындагы клумбаларга, шулай ук чишмә һәм су колонкалары янына утыртылачак.