"Хәзинә" милли сәнгать галереесендә Муса Җәлилнең 110 еллыгы уңаеннан оештырылган күргәзмә 5 апрель көнне ябылачак.
17 февральдән эшли башлаган проектта Җәлил образын чагылдырган әсәрләр тәкъдим ителде.Күргәзмәдә Татарстан кылкаләм осталарының утыздан артык хезмәте урын алган. Биредә Х. Якупов, И. Язынин эшләре белән дә танышырга мөмкин.
Тантаналы ябылышта шагыйрь Ренат Харисның "Җәлилчеләр" дигән поэмасын да яңгыратачаклар.