2 майда Казанда футбол буенча Россия кубогының финалын уздырырга ниятлиләр.

Бу хакта, үз чыганакларына таянып, "Совeтский спорт" язып чыкты. Уен "Казан Арена" стадионында узарга тиеш. Россия кубогы финалында "Амкар" – "Зенит" һәм ЦСКА – "Краснодар" парларының җиңүчеләре очрашачак.
Исегезгә төшерәбез, Россия спорт министры Виталий Мутко, Россия кубогының финалы Казанда май бәйрәме көннәренең берсендә узачак, дип белдергән иде.