13 март көнне Гәр авылында үзәк мәйданда Кышны озату бәйрәме узды.

      Чараны бюджет өлкәсендә эшләүчеләр һәм авыл активистлары әзерләде. Бәйрәмдә барча халык - олысы, кечесе рәхәтләнеп күңел ачты: төрле уеннарда катнашты, балалар башкарган җырлар, биюләрне карап хозурланды. 
       Кышны озату бәйрәменең төп атрибуты - челтәрләнеп пешкән коймак, ул җылы, нур сибеп торучы кояш символы булып тора. Кояш озын салкын кыштан соң җиребезне җылыта, яз килүен тизләтә. Коймак бар кешегә дә җитәрлек итеп, мулдан әзерләнгән иде. Бәйрәм карачкы яндыру, бал белән челтәрле коймак һәм тәмле үлән чәеннән авыз итү белән тәмамланды.