4 март көнне Алан-Бәксәр авылы мәдәният йортында җирле Совет депутаты Элнар Сабирҗанов халыкара хатын кызлар көненә карата оештырган бәйрәм концерты булды.

Әлеге чараны оештыруга Алан-Бәксәр авыл җирлегенең барлык депутатлары да үзләреннән өлеш керттеләр. Сәхнәдә кич буе Элнар Сабирҗанов, Регина Тимербулатова, Илнур Кәбиров башкаруында татар, рус һәм инглиз телләрендә җырлар яңгырап торды. "Мирас" дуэты башкаруында татар, казак һәм тау халыклары биюләрен дә тамашачы бик яратып кабул итте.