11 февраль көнне Суыксу урта гомуми белем мәктәбендә "Рәхмәт сиңа, Әлифба" дигән кичә булып узды. Кичәгә башлангыч сыйныф укучылары, "Дуслык" балалар бакчасында тәрбияләнүчеләр, әти-әниләр һәм укытучылар килде. Укучылар, зур тырышлык куеп яңа җырлар, шигырьләр, биюләр өйрәнгәннәр, әти-әниләренә кулдан бүләкләр әзерләгәннәр. Әти-әниләре дә балаларына зур теләкләрен җиткерделәр, аларны тәмле ризыклары белән сыйладылар.