“Урак өстендә бер генә минут та тик тормаска!”

“Серп и молот” җаваплылыгы чикле ширкәте комбайнчысы Сергей Семенов менә шундый фикердә. Урып-җыюның беренче көннәреннән үк ул җиткерелгән заданиене арттырып үти. Аның Дон-1500 комбайны хуҗалыкта беренчеләрдән булып рекордлы суктырышка иреште. 12 августка ул 469 тонна ашлык суктырды. Район башлыгы Рөстәм Кәлимуллин С.Семеновны  акчалата премия белән бүләкләде, шундый югары тизлекне урып-җыю азагына кадәр киметмәвен теләде.