Быел беренче мәртәбә балалар һәм ата-аналар сменасы оештырылды

2015 елның 31 июлендә Татарстан Республикасының Биектау районында урнашкан “Костер” республикакүләм балаларны сәламәтләндерү һәм белем бирү үзәгендә I балалар һәм ата-аналар сменасы ачылды. Лагерьгә Казан шәһәрендә, Яшел үзән һәм Питрәч районнарында яшәүче алмаш гаиләләр килде.
Смена ачылышына багышланган бәйрәм концерты узды. Концертта алмаш гаиләләрдә тәрбияләнүче балалар һәм аларның ата-аналары да катнашты.
Бәйрәм концертына балалар музыкаль, хореографик һәм иҗади чыгышлар әзерләгәннәр иде. Традиция буенча, концерт ахырында балалар һәм ата-аналар сменасы ачылышына багышланган гаилә бердәмлеген белдергән “Бәхетнең җиде төсе” эмблемасы ясалган байрак күтәрелде.