Балаларга – бүләкләр

Балаларны яклау көнендә Җиңү паркында  район укучыларын спорт, иҗади һәм интеллектуаль конкурсларда җиңеп чыккан өчен бүләкләү тантанасы оештырылды.

Бирегә  төрле спорт бәйгеләрендә, фән олимпиадаларында,  үзешчән сәнгатьтә  үзләрен күрсәтә алганнар – яхшыларның да иң яхшылары чакырылды.  Җыелучыларны  Биектау муниципаль районы башлыгы Рөстәм Кәлимуллин ихлас котлады. Бу көнне  район мәктәпләренең  күп  укучылары, көллият студентлары район башлыгы, башкарма комитет җитәкчесе  һәм аның бүлекләренең Мактау грамоталары,  Рәхмәт хатлары белән бүләкләнделәр.  “Балкыш” Балалар иҗат йортында тәрбияләнүчеләр, Үзәк мәдәният йорты, “Везунчики”  бию коллективының иң яхшы концерт номерлары  тантанада катнашучыларга бүләк булды.

“Бердәм Россия” Бөтенроссия сәяси партиясенең Татарстан региональ бүлеге җитәкчесе  исеменнән “Балалар  ил рәсемен ясыйлар”  конкурсында җиңүчеләргә  Дипломнар һәм призлар тапшырылды.