Казан сәләтле балаларга ярдәм итүгә 1 млн сум күләмендә грантка ия булды

2015 елның 1 июне, дүшәмбе
Казан ТР Президенты вазифаларын вакытлыча башкаручы Рөстәм Миңнеханов тарафыннан бирелгән 1 млн сум күләмендә грантны олимпиада хәрәкәте үсешенә юнәлтәчәк. Бу хакта бүген Казан мэры Илсур Метшин хәбәр итте.

“Халыкара балаларны яклау көне алдыннан, ТР Президенты вазифаларын вакытлыча башкаручы Рөстәм Миңнеханов Казан мэриясенә сәләтле балаларны ярдәм итүгә 1 млн сум күләмендә грант тапшырды. Без бу акчаны олимпиада хәрәкәте үсешенә – киләсе уку елында Казан исеменнән Татарстанда һәм Россиядә генә түгел, халыкара фән олимпиадаларында да катнашачак балаларга ярдәм итүгә юнәлдерергә булдык”, – диде ул.

Шәһәр башлыгы әлеге сумманың балаларны фән олимпиадаларына әзерләячәк укытучыларга да исәпләнүе турында әйтте.

Казан мэриясе матбугат хезмәте, грант башкала укучыларының бөтенроссия һәм халыкара бәйгеләргә сәфәрен оештыруга, шулай ук укучылар өчен тренерлар чакыруга тотылачак, дип ачыклык кертте.

Казан әлеге грантка, Татарстанда фән олимпиадалары җиңүчеләре саны буенча беренче урынны яулаган шәһәр буларак, лаек булды. Россиядә исә Татарстан башкаласы призерлар саны буенча икенче ел рәттән, Мәскәү һәм Санкт-Петербургтан гына калышып, – өченче урында.

"Татар-информ" МА материаллары буенча
http://mon.tatarstan.ru/tat/index.htm/news/440058.htm
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгатьләре
Адрес: 422700, Татарстан Республикасы, Биектау муниципаль районы, Биектау тимер юл станциясе авылы, Кооперативная, 5
Телефон: (84365) 2-30-61
E-Mail: biektau@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International