Кайбыч районы балалар китапханәсендә Шәүкәт Галиевне искә алдылар

Поэзия яратучы сабыйлар үзләре дә буш кул белән килмәгән иде, алар Шәүкәт абыйларының шигырьләрен яттан сөйләде. Китапханәче Эльмира Хәялиева яшь тамашачыларны һәм аларның тәрбиячеләрен шагыйрьнең тәрҗемәи хәле белән таныштырды. Аннары барысы да бергәләп табышмакларга җавап эзләделәр. Балалар китапханәсендә 40 ел эшләгән Сәгыйрә Ярхәмова Шәүкәт Галиев турындагы истәлекләре белән уртаклашты.



- Без Шәүкәт абый белән бер түбә астында яшәдек - ул биш елга якын бездә фатир алып торды. Шат күңелле, боегуны белми торган, намуслы кеше иде. Бик күп укый, төне буе кәгазьләренә күмелеп утырган чаклары да булды. Бәлки, үсеп җиткәч сезнең дә кайберләрегез аның кебек күренекле шагыйрь булыр. Иң мөһиме, акыллы, тәрбияле булыгыз, авырмагыз! – дигән теләкләрен ирештерде ул сабыйларга.