Кулланучы әлифбасы: техник яктан катлаулы товарлар
Техник яктан катлаулыларга гражданның билгеле бер ихтыяҗларын канәгатьләндерү өчен билгеләнгән товарлар керә, алар озак вакыт дәвамында файдалануга исәпләнгән. Көнкүреш билгеләнешендәге техник яктан катлаулы товарлар сатучы, кулланучы таләпләре буенча, аның янында товарның комплектлылыгын, аңа караган техник һәм (яки) эксплуатация документларының булуын, бәянең дөреслеген тикшерә. Әгәр товарга касса чегы, товар өчен түләүне раслаучы электрон яки башка документ товарның исемен, артикулын һәм (яки) моделен, сортын (булган очракта) үз эченә алмаса, товар белән бергә кулланучыга аның таләбе буенча товар чегы тапшырыла, анда әлеге мәгълүматлар, сатучының исеме, сату датасы һәм товарны сатуны турыдан-туры гамәлгә ашыручы зат күрсәтелә, имза куела. Сатучы сатып алучы белән килешү буенча, техник яктан катлаулы товарны сатып алучының өендә җыю һәм (яки) урнаштыру (берләштерү) башкарырга тиеш. Әгәр төзү һәм (яки) урнаштыру бәясе булса