TATARSTAN INDUSTRIAL DAYS VIII Халыкара Машина төзелеше кластерлы форумы
2022 елның 19-21 маенда Татарстан Республикасы Хөкүмәте ярдәмендә TATARSTAN INDUSTRIAL DAYS VIII Халыкара Машина төзелеше кластерлы форумы узачак. Үткәрү урыны - Татарстан Республикасы, Казан шәһәре, «Казан Экспо» халыкара күргәзмә үзәге.
Чара үзен хезмәттәшлек, уртак проектларны гамәлгә ашыру, инвестицион потенциалны тәкъдир итү һәм Россия һәм чит ил партнерлары арасында эшлекле элемтәләрне ныгыту мәсьәләләре буенча фикер алышу өчен әйдәп баручы платформа буларак күрсәтте.
Форумның төп темалары булып түбәндәгеләр торачак: чикләүләр шартларында хезмәт җитештерүчәнлеген арттыру, импортны алмаштыруның яңа мөмкинлекләре, цифрлаштыру, автоматлаштыру, роботлаштыру һәм ИТ чишелешләр өлкәсендә проектларга федераль һәм төбәк ярдәме, экология проектларында инновацион эшләнмәләр, газ белән тәэмин итүнең һәм техник газлар җитештерүнең заманча чишелешләре һәм башкалар.
Чара кысаларында машина төзелеше, автоматлаштыру, сәнәгатьне роботлаштыру, аддитив технологияләр, станоклар төзү өлкәсендә бөтендөнья лидерларының ел саен үткәрелә торган күргәзмәсе узачак, сәнәгать предприятиеләренең – Татарстан Республикасы Машина төзелеше кластеры әгъзаларының өстенлекле инвестиция проектлары белән танышу мөмкинлеге булачак. Форум кунаклары өчен борынгы Болгар шәһәренә, Свияжск утрау-шәһәренә һәм Казан шәһәренә экскурсия программалары оештырылачак.
Бер үк вакытта «Казан Экспо» мәйданчыгында «Россия – Ислам дөньясы: KazanSummit 2022» ХIII Халыкара икътисадый саммиты – Россия Федерациясе һәм Ислам дөньясы илләренең икътисадый хезмәттәшлегенең төп мәйданчыгы узачак. Чара кысаларында шулай ук Russia Halal Expo 2022 хәләл индустриясе күргәзмәсе, шулай ук 2022 елга федераль планга кертелгән Идел буе Болгар дәүләтенең ислам динен кабул итүенең 1100 еллыгына багышланган чаралар планлаштырыла.
Мәҗбүри теркәлү форумның рәсми сайтында: www.mashforum.ru.
VIII Халыкара Машина төзелеше кластерлы форумда катнашу бушлай.