Илкүләм проект кысаларында аналитик, эксперт һәм «Нәрсә? Кайда? Кайчан?» уены магистры Максим Поташев Татарстан эшкуарларын digital-маркетингка өйрәтәчәк
Татарстан Республикасы Икътисад министрлыгына караган Татарстан Эшкуарлыкка ярдәм фонды 20 августта digital-маркетинг буенча белем бирү курсына чакыра. Онлайн-курста укытучыларның берсе – аналитик, маркетингта, клиентлар сервисында, бизнес-процессларны оештыруда эксперт һәм «Нәрсә? Кайда? Кайчан?» интеллектуаль уены магистры Максим Поташев. Эшкуарлар өчен катнашу «Кече һәм урта эшкуарлык һәм шәхси эшкуарлык инициативасына ярдәм» илкүләм проекты һәм ТР Икътисад министрлыгы ярдәмендә бушлай булачак.
Кече һәм урта бизнес субъектлары саны буенча республика Идел буе федераль округында беренче һәм Россия Федерациясендә җиденче урында тора. Татарстанда кече һәм урта бизнеска адреслы ярдәм күрсәтүнең федераль һәм төбәк механизмнары гамәлгә ашырыла, аларда КУЭ реаль ихтыяҗлары исәпкә алынган һәм алар эшкуарлык активлыгын саклап калуга юнәлдерелгән. Шундый чараларның берсе – эшкуарларның квалификациясен күтәрү һәм аларны укыту.
Гамәли эксперт сессияләрендә барлыгы 3 модуль булачак: маркетинг, таргетланган реклама һәм контекстлы реклама. Лекцияләрне һәр бүлектә тәҗрибәле белгечләр алып бара, алар үз тәҗрибәләре һәм рекламада курста катнашучылар җибәрергә мөмкин булган җитешсезлекләр белән уртаклашачак.
Гамәли маркетологлар һәр бизнес өчен маркетингның максатлары һәм бурычлары турында сөйләячәк, максатчан аудиторияне анализларга һәм реклама бюджетын дөрес формалаштырырга өйрәтәчәк.
Таргетологлар һәм контекстологлар эзләү системаларында (Яндекс, Google) һәм барлык социаль челтәрләрдә реклама серләре белән уртаклашачак, реклама кабинеты булдырырга, реклама материалларын көйләргә һәм аларның нәтиҗәлелеген анализларга өйрәтәчәк.
Интернеттагы реклама маркетинг бюджетын яртысына кадәр янга калдыра ала, чөнки ул продукт яки хезмәт күрсәтү кызыксындыру уятачак потенциаль бизнес аудиториясе өчен генә күренәчәк. Нәтиҗәле реклама кампанияләрен ничек булдырырга, аңлаешлы бурычларны ничек билгеләргә һәм маркетинг бүлегенең ни өчен түләргә тиешлеген ничек төгәл аңларга, – гамәли сессияләрдә эшкуарлар һәм аларның маркетологлары болар һәм күп кенә башка әйберләр турында да беләчәк.
Бушлай курс онлайн форматта узачак, теләсә кайсы уңайлы вакытта лекцияләрне карау, гамәли биремнәр һәм тестларны үтәү мөмкинлеге булачак. Эшкуарлыкка ярдәм фонды сайтындагы сылтама (гиперсылтама: https://fpprt.ru/prakticheskie-ehkspertnye-sessii-po-digital-marketingu/) буенча теркәлеп була.