Татарстанның иң популяр фермер продуктлары рейтингы игълан ителде

Россельхозбанктан Свое Родное  (Үземнеке) кушымтасы  аша татарстанлылар   сатып ала  торган продуктлар  арасында кош ите һәм ярымфабрикатлар   иң популяр продуктлар булды. Татарстанлылар тарафыннан иң күп сатып  алына  торган  продуктларның  икенчесе – сыр.     

Зеленодольск, Лаеш, Алексеевск, Буа һәм Түбән Кама районнары фермерларының продукциясе сатып алучылар арасында аеруча популяр.

Свое Родное (Үземнеке) мәйданчыгында  күп төрле  продуктлар тәкъдим ителә. Бу маркетплейс аша татарстанлылар сөт продуктлары, йомырка, икмәк-булка әйберләре, яшелчә һәм җиләк-җимеш, балык, казылык әйберләре сатып ала алалар. Татарстанның «Хәләл» стандарты буенча продукция җитештерүчеләре  товарларының  аерым линейкасы  тәкъдим ителә.