Биектау муниципаль районы башлыгы Р.Г. Кәлимуллинның Җиңү бәйрәме белән котлавы

Хөрмәтле райондашлар!


Ихлас күңелемнән Сезне бөтенхалык бәйрәме – бөек Җиңү көне белән котлыйм.
  

Халкыбызның фашист илбасарларына каршы аяусыз сугышта җиңү яулаган көненнән соң алтмыш сигез ел вакыт узды. Ул дәһшәтле еллар вакыйгалары тарихка тирәнрәк кергән саен Туган илебезнең иреген һәм бәйсезлеген яулап алган өлкән буынның үлемсез батырлыгының бөеклеге арта гына бара. Без, бүген яшәүчеләр,
көрәшләрдә кешелекнең тормышын, тынычлыгын һәм бәхетен яулап алучылар алдында түләп бетергесез бурычлы.


Ул рәхимсез сугыштан унбер меңнән артык якташыбыз әйләнеп кайтмады,  киләчәк өчен башларын салды. Батыр сугышчылар һәм фидакарь тыл хезмәтчәннәре, уртак җиңүгә үзеннән өлеш кертүчеләрнең даны безнең хәтердән мәңге җуелмас.


Без Сезнең батырлыгыгыз, каһарманлыгыгыз алдында баш иябез, тормышка яшь буынга үрнәк булырлык актив карашта торуыгыз өчен Сезгә зур рәхмәт.


Сезгә нык сәламәтлек, күтәренке рух, иминлек,  озын гомер, тынычлык телим.


Биектау муниципаль
районы башлыгы                                                                      Р.Г. Кәлимуллин