Рөстәм Миңнеханов: Татарстан талантлы яшьләргә ярдәм итүгә зур игътибар бирә
Республиканың алга таба үсеше, аның көндәшлеккә сәләтлелеген тәэмин итү талантларны һәм яшьләребезнең сәләтләрен ачудан башка мөмкин түгел. Бу хакта Татарстан Республикасы Президенты Рөстәм Миңнеханов 28 майда «Перспектива " Татарстан Республикасы балалар һәм яшьләрнең интеллектуаль-иҗади потенциалын үстерү һәм гамәлгә ашыру концепциясен гамәлгә ашыру буенча ведомствоара координация советы утырышында белдерде.
Чара Татарстан Республикасы Хөкүмәте Йортында узды. Чарада «Сәләт һәм уңыш» белем бирү фонды җитәкчесе Елена Шмелева, ТР вице-премьеры - ТР мәгариф һәм фән министры Рафис Борһанов, «Россия – мөмкинлекләр иле» АКБО генераль директоры урынбасары Владислав Даванков, Милли технологик инициативаның технологик түгәрәкләрендә катнашучылар ассоциациясе президенты Алексей Федосеев һәм башкалар катнашты.