Атлар сараена сәяхәт
Биектау районы «Өмет» халыкка комплекслы социаль ярдәм күрсәтү үзәге белгече биредә эшләп килүче «Поверь в себя» клубына йөрүче яшүсмерләр белән терроризм һәм экстремизмга каршы көрәш программасы кысаларында Биектау районында урнашкан Л. Усманов җитәкләгән атлар сараена экскурсия оештырды.
Бу чараның төп максаты: яшүсмерләр арасында сәламәт яшәү алымнарын пропагандалау, тәртип бозучыларның санын киметү, террорга һәм экстремизмга каршы көрәшү, хайваннарга, табигатькә мәхәббәт тәрбияләү.
Барысы бу чарада 14 балигъ булмаган бала һәм 7 ата-ана катнашты. Алар бик теләп хайваннарны тәм-том белән сыйладылар, ат өстендә йөреп карадылар.
Соңыннан ата-аналарга һәм балаларга профилактик буклетлар тапшырылды.
Мөмкинлектән файдаланып, КФХ җитәкчесе Усманов Ленар Искәндәр улына олы рәхмәтебезне белдерәбез.
Социаль белгеч Ләйсән Галәвиева